«Քաղաքապետերի դաշնագիր՝ Արևելք» ծրագրի տեղեկագրի 12-րդ համարը նվիրված է Ծրագրի գործողություններին, որոնք նպաստել են կայուն տեղական զարգացմանը և Դաշնագրին անդամակցող համայնքների, Համակարգողների և Աջակիցների կարողությունների ամրապնդմանը շարունակական համաճարակային իրողություններում: Դուք կտեղեկանաք 2021թ. մարտի 1-ի դրությամբ տարածաշրջանում Քաղաքապետերի դաշնագրի զարգացումն արտացոլող ցուցանիշների մասին: Տեղեկագիրը նաև տեղեկություններ է տրամադրում Ծրագրի տեխնիկական աջակցության ծառայության գործունեության մասին, մասնավորապես՝ Արևելյան գործընկերության վեց երկրներում Ծրագրի փորձագետների կողմից տրամադրված գրեթե 300 խորհրդատվությունների մասին, որոնք հանդես են գալիս, որպես համայնքների էներգետիկ և կլիմայական հանձնառությունների իրականացման աջակցման արդյունավետ գործիք: Վերջապես, Դուք կտեղեկանաք մասնագիտական կարողությունների ամրապնդմանն ուղղված տարածաշրջանային մի շարք վեբինարների և առցանց դասընթացների, ինչպես նաև տարածաշրջանում Ծրագրի փորձագետների կողմից անցկացված տարբեր երկրներին յուրահատուկ միջոցառումների մասին:
